Prokuroria Themelore e Prishtinës ka paraqitur në Gjykatën Themelore në Prishtinë kërkesën për caktimin e masës së paraburgimit ndaj të dyshuarit I.A., për plagosjen e gruas së tij në Bresje të Fushë-Kosovës.
Lajmin për Arbresh.info e ka konfirmuar zëdhënësja e Gjykatës Themelore në Prishtinë, Mirlinda Gashi.
Në mëngjesin e 6 gushtit 2024, i dyshuari I.A. u ndalua në Bresje të Fushë-Kosovës, nën dyshimin për “Vrasje të rëndë në tentativë” ndaj bashkëshortes së tij, si dhe për “Mbajtje në pronësi, kontroll ose posedim të paautorizuar të armëve” dhe “Mospërfillje të gjykatës”.
Prokuroria Themelore në Prishtinë, në një komunikatë të lëshuar më 6 gusht 2024, ka ofruar detaje mbi rastin. Sipas informacionit nga Prokuroria, më 4 gusht ndaj I.A. është ngritur aktakuzë për “Dhunë në familje”, me kërkesë për caktimin e masës së paraburgimit. Në seancën fillestare ishte propozuar masa e arrestit shtëpiak, por gjykata e refuzoi këtë propozim dhe caktoi një masë më të butë për të afruar vendin apo personin e caktuar.
Sipas raportit të policisë të mërkurën, në lidhje me këtë rast është arrestuar edhe një i dyshuar tjetër, i cili dyshohet se ka marrë armën që është përdorur në ngjarje dhe e ka larguar nga vendi i ngjarjes./Arbresh.info/
Persona të panjohur hyjnë me forcë në një banesë në Prishtin...
Policia shqiptoi mbi 1300 gjoba në rajonin e Ferizajt brenda...
Protesta e opozitës në Shqipëri – Mbi 1200 policë në g...
Mungon edhe Militao për Brazilin
KQZ mban sot mbledhjen e radhës
Aksident trafiku në Prishtinë, ka të lënduar